კომპანიამ Honda, ფორმულა 1-ის მოქმედ ჩემპიონს მაქს ვერსტაპენს მარჯვენასაჭიანი სუპერქარი აჩუქა. ნიდერლანდელი გახდა მოდელ NSX Type S-ის უკანასკნელი ეგზემპლარის მფლობელი, რომელიც განკუთვნილია იაპონიის ბაზრისთვის. ახალი სპორტქარის გასაღები ვერსტაპენს კომპანიის სარბოლო განყოფილების ხელმძღვანელმა კოიჯი ვატანაბემ გადასცა. ეს მოხდა სპეციალურ ღონისძიებაზე Honda Racing Thanks Day.

ავტომობილის საბაზრო ღირებულება 170 ათასი დოლარია, მისი კაპოტის ქვეშ კი 608-ძალიანი ჰიბრიდული მოწყობა გვხვდება.

Honda ფორმულა 1-დან ფორმალურად უკვე წასულია, თუმცა იაპონური კომპანია განაგრძობს Red Bull Racing გუნდის მხარდაჭერას და ეხმარება მას ძრავების დამუშავებაში. ასე რო წლევანდელი, ვერსტაპენის მეორე ტიტულში საკუთარი წვლილი ამ იაპონურ კომპანიასაც აქვს შეტანილი.

შეგახსენებთ, NSX Type S-ის წარმოება ნოემრბის შუა რიცხვებში შეწყდა. კომპანიამ მისი სპეც-ვერსია მხოლოდ 350 ეგზემპლარად გამოსცა და ყველა მათგანი უკვე წარმოებული და გაყიდულია.