თამამად შეიძლება ითქვას, რომ Mazda CX-3 ამ სეგმენტის ერთ-ერთი ულამაზესი წარმომადგენელია. მისი უფროსი ”ძმის”, CX-5-ის უდიდესმა წარმატებამ იაპონელებს თამამად გადაადგმევინა ნაბიჯი, შეექმნათ კიდევ უფრო კომპაქტური SUV, რომელიც ყველაზე მოთხოვნად კლასში ღირსეულ ადგილს დაიკავებდა. ახლა კი ეს მშვენიერი
იხილეთ ვიდეო:
მაზდას ლამაზი SUV საქართველოშია - გაიცანით Mazda CX-3
ჰიროშიმაში შემუშავებული და წარმოებული, პატარა, ლამაზი Mazda CX-3 დიზაინით იტალიურ მანქანას მოგაგონებთ. თუმცა ამით ახალს არაფერს ვამბობთ, რადგან ექსტერიერის დიზაინით ახალი თაობის ყველა ”მაზდა” გამოირჩევა. ავტომობილი სიგრძეში მხოლოდ 4,28 მეტრია, რაც იმას ნიშნავს, რომ დაახლოებით ”ფოლკსვაგენ გოლფის” ფორმატის ავტომობილია - ოღონდ, უფრო მაღალი.
სახელიც მიგახვედრებთ, რომ CX-5 მისი უფროსი ძმაა, რომლისგანაც CX-3-მა სრული ამძრაობა, უკანა ღერძი და გადაცემათა კოლოფი მიიღო - ოღონდ, ყველაფერი მოდიფიცირებული და განახლებული აქვს. შასი Mazda 2-სგან მიიღო, ფორმატით 3-ისკენ იხრება, ხოლო ამბიციით კი Mazda CX-5-ისკენ - ანუ, კომპაქტური კლასის იდეალური წარმომადგენელია.
ძრავების სიმძლავრე 105-დან 150 ცხენის ძალამდეა. ვფიქრობთ, ქართული რეალობისთვის და ქართველი მძღოლების გემოვნების გათვალისწინებით, საუკეთესო ვარიანტი 148-ცხენისძალიანი ძრავაა - 2-ლიტრიანი მოცულობით.
ეს გახლავთ ატმოსფერული ძრავა, რომელიც ძალიან ბეჯითად მუშაობს და ტურბო-ძრავებთან შედარებით ბევრი უპირატესობა აქვს. პირველ რიგში კი რესურსი, რაც უაღრესად მნიშვნელოვანია. ”მაზდაში” Skyactiv-ძრავებით ძალიან ამაყობენ. ეს აგრეგატები მაღალი კომპრესიით (14:1) გამოირჩევა, რაც ძრავის მუშაობაზე უაღრესად პოზიტიურად აისახება. ძრავა უხმაუროდ და ვიბრაციების გარეშე მუშაობს. მართალია, ატმოსფერული ძრავა მაქსიმალურ მაბრუნ მომენტს გვიან აღწევს, მაგრამ სამაგიეროდ, სიმძლავრე ხაზოვნად მოდის და მანქანა გაზზე ძალიან სპონტანურად რეაგირებს. გარდა ამისა, 204-ნიუტონმეტრიანი მაბრუნი მომენტი ცუდი შედეგი ნამდვილად არ არის!
- რაც ასევე მნიშვნელოვანია, Skyactiv-ძრავები განსაკუთრებული ეკონომიურობით გამოირჩევა.
ინტერიერში გამოყენებული მასალების ხარისხი მისაღებია. ცხადია, მაგარი პლასტმასი ჭარბობს, მაგრამ იაფფასიანის შთაბეჭდილებას არ ტოვებს. შესრულება და დამუშავება კი ფაქტობრივად უნაკლოა. სავარძლები საკმაოდ კომფორტულია და შორ გზაზე არ გადაიღლებით. კალსში ერთ-ერთი საუკეთესო ხმაურიზოლაცია, ჯდომის მაღალი პოზიცია, კარგი ხილვადობა წინ - CX-3 არა მხოლოდ ქალაქის, არამედ კარგი სამოგზაურო ავტომობილიცაა.
უხვად აქვს ასისტენტ-სისტემები - ოღონდ კომპლექტაციების მიხედვით. გასართობ-საინფორმაციო სისტემა თავისი 7-დუიმიანი ეკრანით შეფერხებების გარეშე მუშაობს - ჩვენი ფოტოგრაფი ყველაფერში ორიოდე წუთში გაერკვა და სმარტფონი ავტომობილთან დააკავშირა.
მართალია, ეს მხოლოდ მცირე გასეირნება იყო, მაგრამ ამ პატარა SUV-ის შესახებ კარგის მეტი თითქმის არაფერი გვეთქმის. CX-3 საკადრისად დადის, ყოველდღიური მოხმარებისთვის საკმაოდ პრაქტიკულია და, რაც მთავარია, ძალიან კარგად გამოიყურება. არ უნდა დაგვავიწყდეს ”მაზდას” შთამბეჭდავი საგარანტიო პირობებიც - 5 წელი ან 150 000 კილომეტრი უკვე თავის თავადაც ნიშნავს ხარისხს და გამძლეობას.
შალვა ბუაჩიძე
Mazda CX-3 Skyactiv AWD
ძრავა: 4-ცილინდრიანი; მოცულობა: 1998 სმ3; სიმძლავრე: 148 ცხ. ძ.; მაბრუნი მომენტი: 204 ნმ/2800; მაქს. სიჩქარე: 192 კმ/სთ; აჩქარება 0-100 კმ/სთ: 8,7 წამში; ამძრაობა: სრული; გადაცემათა კოლოფი: 6-საფეხურიანი ავტომატიკა; ავზი: 44 ლიტრი; სიგრძე/სიგანე/სიმაღლე: 4275/1765/1535 მმ; საბარგულის მოცულობა: 350-1260 ლიტრი; წონა: 1310 კგ; საწვავის ხარჯი (EU-Mix): 6,3 ლ. Super/100 კმ; გამონაბოლქვი: 150 გ/კმ; ფასი (მაზდა ცენტრი თეგეტა): 20 900 დოლარიდან;
დეტალური ინფორმაციისთვის დაუკავშირდით გაყიდვების მენეჯერს: 591 006 993
იხილეთ ვიდეო:
მაზდას ლამაზი SUV საქართველოშია - გაიცანით Mazda CX-3
ასევე დაგაინტერესებთ:
მაზდა უფრო და უფრო მშვენდება! განახლებული Mazda CX-5
ასევე იხილეთ:
„მაზდას“ ავტომობილები შტატებში ყველაზე ეკონომიურია
10 იაპონური სპორტქარი, რომლებსაც პატივი უნდა ვცეთ!
როგორი იქნება განახლებული Mazda 3?
როგორი იქნება მაზდას SUV-კუპე?
მაზდას ახალი, დიდი ქროსოვერი
მანქანები ისეთი კაცებისთვის,
რომლებიც მკერდზე თმას არ იპარსავენ...
მაზდას სამაგალითო SUV
